ما هي القهوة المختصة؟

القهوة المختصة هي القهوة اللي تقييمها 80 درجة فيما فوق على مقياس من 100 درجة، وده التعريف اللي معترف بيه من جمعية القهوة المختصة العالمية. بس احنا مش هنكتفي بالتعريف الموجز ده وهنقولك الرحلة من أولها لآخرها…
بص يا سيدي، القهوة المختصة دي قصة مختلفة تمامًا عن أي قهوة عادية. تخيل كده إنك بتشرب قهوة طعمها فيه حلاوة طبيعية، وريحة فواحة، وكل رشفة فيها إيحاءات كأنها جايبة سحر من الجنة. القهوة دي مش بتتزرع وخلاص، دي بتتعمل بحب في أماكن معينة بظروف مناخية خاصة، وبتتقيم بمعايير دقيقة جدًا.

امتى القهوة تتحول لمختصة؟

القصة بتبدأ من مزارع القهوة، اللي لازم تكون على ارتفاعات عالية، عشان الحبوب تنضج ببطء وتكتسب نكهات مميزة. الحصاد كمان لازم يكون يدوي وبدقة شديدة، عشان يقطفوا الحبوب الطازة بس، وعلى أيد مجموعة من المزارعين اللي وارثين الشغلانة أباً عن جد. بعدها تيجي مرحلة التقييم اللي بتحدد إذا كانت القهوة تستحق لقب “مختصة” ولا لأ. ولازم تحقق أكتر من 80 درجة من 100 على معايير زي: الطعم، الحموضة، القوام، التوازن، والنكهات. وده وفقًا لمعايير (SCA).

رحلة القهوة المختصة: من المزارع لحد ما توصل لك

مزرعة قهوة مختصة

1. مزارع القهوة

القصة بتبدأ من عند المُزارع اللي بيهتم بزراعة الحبوب بعناية شديدة. والمُزارع مش بس بيزرع القهوة، ده بيعيش تفاصيل حياتها من أول البذور وحتى الحصاد. في ملايين المزارعين حوالين العالم بيشتغلوا في زراعة القهوة، ودورهم مش بيقتصر بس على الزراعة والحصاد، إنما المزارع الناجح بيحتاج لمعرفة عميقة وشاملة بكتير من الأمور المتعلقة بالقهوة.

  • ‎أولاً، لازم يكون على دراية تامة بالفروق بين أنواع وأصناف أشجار القهوة، زي بالظبط ما مزارع المانجو عارف الفروق بين أشجار العويسي والزبديه. فالقهوة في الأساس، هي ثمرة زي أي فاكهة تانية.
  • ‎ثانيًا، لازم يكون المُزارع مُلم بعلوم حديثة في مجال القهوة المختصة، زي:‎

• طرق المعالجة: التعرف على التقنيات الجديدة لمعالجة حبوب القهوة بعد الحصاد وظروف تطبيقها.
‎• قياس الرطوبة: لأن التحكم في مستوى الرطوبة بيأثر بشكل كبير على جودة الحبوب وطعمها النهائي.
‎• التلقيح والتهجين: تهجين أصناف مختلفة من المحاصيل لتحسين جودة المحصول ومقاومته للأمراض.
‎• زيادة الإنتاج مع الحفاظ على الجودة: تحقيق التوازن بين كمية الإنتاج ونكهة القهوة وجودتها الفريدة.

‎وظيفة مزارع القهوة هي حجر الأساس لصناعة القهوة اللي بنحبها، فكل فنجان بيبدأ بالجودة اللي بيقدمها المزارعين في صورة جهد وعناية.

2. مرحلة انتقاء البن الأخضر

في القهوة المختصة (Specialty Coffee)، فيه معايير صارمة لتحديد جودة الحبوب، وضعتها منظمات زي جمعية القهوة المختصة (SCA). والمعايير دي تشمل:
‎ • العيوب الأولية (Primary Defects):
‎لا يُسمح بأي عيوب أولية في القهوة المختصة. يعني وجود عيب أولي واحد بيؤدي لاستبعاد الحبوب من فئة القهوة المختصة!
‎ • العيوب الثانوية (Secondary Defects):
‎يُسمح بوجود ما يصل إلى 5 عيوب ثانوية فقط لكل 350 جرامًا من القهوة الخضراء. إذا تجاوزت الحبوب الحد ده، فهي لا تُصنف كقهوة مختصة.

‎أمثلة على العيوب:

  • العيوب الأولية: زي الحبوب السوداء بالكامل أو التالفة تمامًا.
  • العيوب الثانوية: زي الحبوب المكسورة أو اللي بتحتوي على عيوب سطحية طفيفة.

وبكدا ‎بيتم فحص الحبوب بعناية للتأكد من خلوها من العيوب دي، وده اللي بيضمن تقديم كوب قهوة بجودة استثنائية.

3. مرحلة المعالجة

 ‎معالجة القهوة هي واحدة من أهم المراحل اللي بتأثر بشكل كبير على جودة وطعم القهوة في الكوب النهائي. والمزارع بيلعب دور مهم في المرحلة دي، بحيث لا تقتصر مهمته على جمع المحصول فقط، لكن كمان بياخد قرارات دقيقة بتتعلق بطريقة معالجة الحبوب بما يتناسب مع خصائص المحصول والظروف البيئية.

4. مرحلة التحميص واختبار الجودة​

تحميص القهوة المختصة بيتطلب مهارة ودقة عالية من المُحمص، حيث إن لا يتعلق الأمر فقط بتعريض الحبوب للحرارة، بل بتطوير النكهات والخصائص المميزة لكل محصول. الحماص هنا فنان وعالم، قادر يوازن بين العلم والإبداع لتحقيق أقصى إمكانيات القهوة.

1- فريق التحميص

الحماص المتمكن بيعرف يقدم نكهات متميزة لكل محصول، وده اللي بيخلي لكل فنجان تجربة فريدة.‎
ودور الحماص الشاطر يكمن في الآتي:
التطوير المستمر:
‎التحميص عملية ديناميكية، والحماص الجيد يطور نفسه باستمرار من خلال التعلم من المزارعين، الفرق العلمية، والمستهلكين

‎الابتكار:
• الحماص يطور البروفايل باستمرار لتقديم تجربة جديدة للمستهلكين.
• يمكن تعديل البروفايل للحصول على نتائج محددة مثل تقليل المرارة أو إبراز حلاوة القهوة.

‎استخدام التكنولوجيا في التحميص:
• معدات التحميص الحديثة:
‎تُمكّن الحماص من التحكم الدقيق في كل عنصر من عناصر التحميص (درجة الحرارة، زمن التحميص، تدفق الهواء).
• التحليل بالبرامج:
‎يتم استخدام برامج متقدمة لرسم منحنيات التحميص ومقارنتها، مما يساعد الحماص على تكرار النتائج الناجحة وتحسينها.

2- فريق ضبط الجودة (Quality Control Team):

دور فريق ضبط الجودة (Quality Control Team):

  1. ‎التذوق:
    الفريق يقوم بتذوق القهوة يوميًا للتأكد من تطابق النتائج مع المعايير المحددة وضمان عدم وجود أي عيوب.
  2. الملاحظات:
    ‎تقديم ملاحظات للحماص حول البروفايل المستخدم وتأثيره على النكهات.
  3. ضبط العمليات:
    ‎الفريق يعمل مع الحماص لتحديد أي تحسينات أو تغييرات ضرورية.
  4. ‎جلسات التذوق (Cupping):
    ‎هي عملية تذوق القهوة بشكل منهجي لتحليل النكهات، الروائح، القوام، والحموضة.

أهدافها

  • تقييم تأثير بروفايل التحميص على المحصول.
  • اكتشاف النكهات الفريدة لكل دفعة.
  • تحديد أي عيوب محتملة.

أهميتها للحماص:

من خلالها الحماص بيعرف ازاي قراراته بتأثر على الطعم النهائي، واللي بالتبعية بيساعده في تحسين البروفايلات وتقديم أفضل تجربة ممكنة.

في النهاية، الحماص هو الرابط بين جهد المزارعين وأذواق المستهلكين، ومسؤوليته كبيرة في الحفاظ على جودة القهوة وإبراز شخصيتها الفريدة في كل كوب

5.المستهلك

وأخيرًا، القصة بتوصل ليك، أنت اللي بتستمتع بكل المجهود ده في كوباية قهوة مختصة. خاصةً لما تكون أنت الشخص اللي بيختم كل الرحلة دي بطريقة التحضير المميزة الخاصة بيك.

ازاي تتعرف على القهوة المختصة؟

3 حاجات توضحلك إذا كانت القهوة اللي معاك دي مختصة ولا تجارية..

ازاي تتعرف على القهوة المختصة
  1. العبوة: غالبًا هتلاقي معلومات عن مصدر الحبوب، ودرجة التحميص، والنكهات المتوقعة.
  2. الجودة: الحبوب بتكون كاملة ونضيفة ودرجة التحميص مظبوطة.
  3. التقييم: لو القهوة مختصة فعلاً، غالبًا هتلاقيها متقيّمة بمعايير معروفة وواضحة وهوضحلك بعضها دلوقتي…

معايير تقييم القهوة المختصة

زي ما وضحنا القهوة المختصة هي القهوة اللي بتاخد تقييم فوق 80 نقطة من أصل 100، ودي بعض من المعايير اللي بيتم التقييم من خلالها:

  • الطعم العام: هل النكهة ممتعة ومميزة
  • الحلاوة الطبيعية: هل فيها طعم سكر طبيعي
  • الحموضة: الحموضة بتكون معتدلة ومش مزعجة.
  • القوام: إحساس القهوة على اللسان، تقيل ولا خفيف؟
  • التوازن: النكهات متناسقة ولا في حاجة طاغية؟

طبعاً كييفة القهوة المختصة مجربين، وبيعرفوا يميزوا النقط دي بسهولة.

زراعة القهوة المختصة: يا ترى بتتزرع فين؟

القهوة المختصة بتتزرع في أماكن مختارة بعناية، زي:

  • الارتفاعات العالية: درجات الحرارة المنخفضة بتساعد الحبوب على النضج ببطء وتكوين نكهات أعمق.
  • التربة الخصبة: كل ما كانت التربة غنية، كل ما انعكس على جودة الحبوب.
  • الظروف المثالية: لازم الجو يكون مناسب، وعادة أنسب مناخ هو المناخ الاستوائي.
أماكن زراعة القهوة المختصة

وعلشان كدا القهوة المختصة بتتزرع في أماكن محددة في العالم، والأماكن دي بتكون ظروفها الطبيعية مثالية عشان تطلع حبوب قهوة بجودة عالية وطعم مميز. والمناطق دي غالبًا موجودة في حزام القهوة، اللي هو المنطقة بين مداري السرطان والجدي، وبيشمل أجزاء كبيرة من إفريقيا، وأمريكا اللاتينية، وآسيا. فـ تعالى نشوف الدول دي تطلع ايه؟

1. إفريقيا

إفريقيا تعتبر مهد القهوة، وأغلب الناس بتربط القهوة بإثيوبيا لأنها المكان اللي ظهرت فيه القهوة لأول مرة.

  • إثيوبيا:
    مشهورة جدًا بالقهوة ذات النكهات الزهرية والفاكهية، والمناطق زي “ييرجاتشيف” و”سيدامو” بتنتج قهوة بنكهة مميزة جدًا. وعلشان القهوة الأثيوبي جزء مهم وتراثي في عالم القهوة فـ احنا روحنا لإثيوبيا مخصوص علشان نقدر نوفر منتج الجامبيلا – من محصول القهوة المختصة الأثيوبي.
  • كينيا:
    القهوة الكينية معروفة بحموضتها العالية والطعم الفاكهي المميز زي التوت الأسود والحمضيات.
  • رواندا وبوروندي:
    قهوة المناطق دي غالبًا بيكون فيها نكهة فواكه مركّزة، وبتتميز بجودتها العالية.

2. أمريكا اللاتينية

دي منطقة عملاقة لإنتاج القهوة، وبتضم دول كتير كل واحدة ليها ستايل وطابع خاص في القهوة.

  • البرازيل:
    أكبر منتج للقهوة في العالم، ومشهورة بالقهوة اللي فيها نكهة شوكولاتة زي محصول ساوباولو ومكسرات زي محصول فورتاليزا.
  • كولومبيا:
    قهوة كولومبيا بتتميز بالتوازن في الطعم، يعني مش حامضة أوي ولا مُرة أوي، وغالبًا بيكون فيها طعم كراميل وفاكهة. وبما إنها ملكة التوازن فـ إحنا وفرنا محاصيل نادرة من محاصيل البن الكولومبي زي محصول قهوة بوليفار المختصة
  • غواتيمالا:
    المناطق البركانية هناك بتدي القهوة نكهات غنية زي الشوكولاتة الداكنة والتوابل.
  • كوستاريكا والسلفادور:
    قهوة ناعمة ومتوازنة جدًا، غالبًا فيها نكهة عسل أو حمضيات، ومن هناك جبنا محصول كارتاجو الكوستاريكي بإيحاءات المانجو والأناناس، ومحصول سان سلفادور بإيحاءات المشمش المجفف والفراولة.
مزارع القهوة البرازيل

3. آسيا والمحيط الهادئ

المناطق دي بتنتج قهوة بنكهة مميزة عن باقي العالم.

  • إندونيسيا:
    زي جزيرة سومطرة وجاوا، بتنتج قهوة فيها نكهة أرضية، يعني زي نكهة التربة أو التوابل، وبتكون ثقيلة في القوام. ومن هناك اخترعنا مشروب طاقة من القهوة المختصة وهو بلاك بول – blackbull.
  • اليمن:
    رغم التحديات هناك، اليمن بتطلع قهوة فريدة جدًا، وغالبًا فيها طعم فواكه مجففة أو شوكولاتة.
  • فيتنام:
    أغلب إنتاجها قهوة روبوستا، بس فيه حبوب أرابيكا عالية الجودة في المناطق الجبلية.

4. الدول ذات الارتفاعات العالية

القهوة المختصة محتاجة تربة خصبة، ارتفاعات عالية، ومناخ استوائي. كل ما ارتفع المكان اللي بتنزرع فيه القهوة، كل ما كانت الحبوب أجود، وده لأن الحبوب بتنمو ببطء في الأماكن العالية وده بيخليها تمتص نكهات أكتر.
أما في مرحلة الحصاد، المزارعين بيختاروا الحبوب يدويًا في الصباح الباكر عشان تكون في قمة طراوتها. بعدها بيدخلوها في طرق معالجة زي الرطبة أو الجافة، واللي بتحافظ على النكهات وتديك تجربة فريدة.

تأثير المناخ على جودة القهوة

  1. المناطق ذات المناخ الاستوائي مثل أمريكا اللاتينية وإفريقيا وآسيا تُعد مثالية بسبب التوازن بين الحرارة والأمطار.
  2. اختلاف درجات الحرارة بين النهار والليل يُساهم في تطوير نكهات أعمق وأكثر تنوعًا.

مرحلة القطف (الحصاد):

حصاد القهوة

هنا بيبدأ الشغل لما بيتم قطف الكرز بتاع القهوة. في القهوة المختصة، القطف بيتم يدويًا عشان يختاروا الحبات الناضجة بس، وده بياخد وقت ومجهود. وبيحتاج أشخاص ذوي خبرة ومهارة في مجال القهوة المختصة.

طرق معالجة القهوة

المعالجة الطبيعية (Natural Process): 

  • تُترك الحبوب لتجف تحت أشعة الشمس للحصول على نكهات فاكهية.
  • يترك المزارع الحبوب تجف داخل ثمارها بعد الحصاد.
  • يتطلب مراقبة دقيقة للرطوبة ودرجات الحرارة لتجنب حدوث تخمر زائد أو تعفن.
  • هذه الطريقة تُبرز نكهات فاكهية واضحة، لكنها محفوفة بالمخاطر إذا لم يتم التحكم في الظروف بدقة.

2. المعالجة المغسولة (Washed Process):

  • يتم إزالة القشرة والطبقة اللزجة من الحبوب باستخدام الماء، ثم تجفيف الحبوب.

  • تحتاج إلى موارد مائية وإشراف مستمر لضمان نظافة الخزانات وعدم حدوث تخمر غير مرغوب.

  • تعطي نكهات نظيفة وحمضية تُفضل في القهوة المختصة.

3.المعالجة بالعسل (Honey Process):

  • تُزال القشرة الخارجية مع الإبقاء على طبقة من السكر الطبيعي (الميوسيلاج) أثناء التجفيف.
  • تحتاج إلى مهارة في التحكم بمستوى الميوسيلاج، مما يؤثر على الطعم النهائي بين الحلاوة والحمضية.

4.طرق مبتكرة (Experimental Methods):

  • المزارعون يجربون طرقًا جديدة مثل التخمر الكربوني أو التخمير اللاهوائي.
  • هذه الأساليب تحمل مخاطر كبيرة، حيث يمكن أن ينتج عنها طعم غير مرغوب أو خسارة المحصول بالكامل إذا فشلت.

المخاطر في طرق المعالجة الجديدة:

  • خسارة المحصول: أي خطأ صغير في التحكم بالتخمر أو التجفيف قد يؤدي إلى فساد الحبوب بالكامل.
  • ارتفاع التكلفة: التجارب على طرق جديدة تتطلب موارد إضافية مثل معدات دقيقة وخبراء في التخمر.
  • سمعة المزرعة: إذا كانت النتيجة النهائية غير مرضية، فقد يؤثر ذلك على الثقة بين المزارع والمشترين.

‎الفن الذي يقدمه المزارع في المعالجة:

  • الإبداع: المزارع الماهر يعرف كيف يبرز أفضل نكهات المحصول من خلال تعديل خطوات المعالجة بناءً على ظروف الحصاد ونوع القهوة.
  • الموازنة: تحقيق توازن بين المخاطرة والجودة لضمان تقديم تجربة فريدة للمستهلكين.
  • الخبرة: القدرة على توقع النتائج وتحليل الطعم النهائي قبل إنهاء عملية المعالجة.

في النهاية، المزارع هو فنان وعالم في الوقت نفسه، حيث يجمع بين المهارة والتجربة لإنتاج قهوة مختصة تضيف قيمة خاصة لكل كوب

الفرز والجودة:

الحبوب بتتفرز حسب الحجم والجودة، وبيتم إزالة أي حبوب مش مظبوطة أو تالفة. القهوة المختصة لازم تكون الحبوب بتاعتها بيرفكت!

فرز بذور القهوة

التخزين والتعبئة:

أخيرًا، الحبوب الجاهزة بتتخزن في أكياس خاصة (زي أكياس الجوت) عشان تفضل محافظة على جودتها لحد ما تتشحن وتتحمص.

التحميص (Roasting):

دي خطوة بتحصل بعد المعالجة لما الحبوب تكون جاهزة تمامًا. الهدف من التحميص هو تحويل الحبوب الخضراء الخام إلى الحبوب البنية اللي بنطحنها ونحضر منها القهوة. التحميص بيحدد النكهات النهائية اللي هتظهر أثناء التحضير.

تحميص القهوة

أنواع التحميص:

  1. فاتح (Light Roast):
    • بيظهر الإيحاءات الطبيعية للحبوب زي الفاكهة والزهور.
    • بيكون حمضي أكتر ومناسب للقهوة المختصة.
  2. متوسط (Medium Roast):
    • توازن بين الحلاوة والنكهات الطبيعية.
  3. غامق (Dark Roast):
    • نكهات قوية زي الشوكولاتة والكراميل، لكن الإيحاءات الطبيعية بتقل.

هل بتختلف نسبة الكافيين في القهوة المختصة عن القهوة التجارية؟

أكيد برضه انت بتتسائل هل محتوى الكافيين مختلف في القهوة المختصة؟

كميه الكافيين ملهاش علاقة بالقهوة المختصة أو التجارية بشكل مباشر لإن الأتنين فيهم كافيين، وده منتج طبيعي بينتجه ثمرة القهوة جوة البذرة الخضراء.
ووظيفته في الطبيعة إنه طعمه مر فبيساعد شجرة القهوة إنها تكافح الحشرات، اللي لما بتدوقه بتسيب شجره القهوة ومش بتأذيها. ومن هنا نقدر نطلع عاملين أساسيين بيأثروا على محتوى الكافيين في القهوة:

  • العامل الأول هو الارتفاعات: ‎وده يفسرلنا ليه شجرة الروبوستا اللي بتتزع على ارتفاع قريب من سطح البحر بتحتاج تفرز كمية كافيين أكتر بالضعف تقريباً لإن الحشرات بتبقي أكتر بكتير.
    ‎إنما الأرابيكا بتتزرع عادة على ارتفاع عالي جداً، فالحشرات صعب توصلها وبالتالي الشجره مش بتفرز كافيين أكتر، فالطعم في الغالب بيكون أقل مرارة.
    وبما إن حبوب الروبوستا نسبة الكافيين فيها أعلى بكتير. ف إحنا وفرنا ليك قهوة بلاك بول black bull المختصة الغنية بالروبوستا اللي هيديك طاقة وتركيز 100%.
  • ‎العامل التاني هو درجة التحميص:
    ‎وهنا فيه مدارس وأقاويل كتير
    ‎احنا في إكزوتكس مؤمنين بالمدرسة اللي بتقول كل ما التحميص زاد، كل ما الكافيين قل. ويمكن ده يصدم كتير مننا، خاصة ‎اللي اتعود إن القهوة المحروقة المرة بتفوق أكتر.
    ‎فبالتالي التحميص الفاتح بيفوق أكتر من الوسط اللي بيفوق أكتر من الغامق.

أنواع شجر القهوة المختصة:

1- أرابيكا:

  • الطعم: ناعم وحلو.
  • المناطق: إثيوبيا، كولومبيا، البرازيل.

2- روبوستا:

  • الطعم: قوي ومُر شوية.
  • المناطق: فيتنام، وإندونيسيا.

3- ليبيريكا:

  • الطعم: مختلف وفاكهي.
  • المناطق: الفلبين وماليزيا.

4- إكسيلسا:

  • الطعم: معقد وحمضي.
  • المناطق: جنوب شرق آسيا.

إيحاءات القهوة المختصة: العالم الآخر للقهوة المختصة

القهوة المختصة بتاخدك في رحلة مع كل رشفة لعوالم تانية، وده نتيجة لكل المراحل السابقة اللي صاحبها قدر كبير من العناية والجودة. طيب الإيحاءات دي ممكن تكون إيه؟

  • فاكهة: زي البرتقال أو التوت.
  • زهور: زي الياسمين.
  • شوكولاتة ومكسرات: مزيج دافي ولذيذ.
  • توابل: زي القرفة والفانيليا. 

واللي بيأثر على كل نوع من الأنواع دي هو نوع البذور، طريقة ومكان الزراعة، درجة التحميص، المعالجة، وكمان طريقة التحضير..

coffee flavor wheel en

 ودلوقتي يلا بينا ننتقل للمرحلة اللي بتشارك فيها بنفسك!

أدوات تحضير القهوة المختصة

لو عايز تجرب تحضر القهوة المختصة زي المحترفين، فـ هنحتاج نشتري ع الأقل واحدة من أدوات التحضير المختلفه جنب الميزان والمطحنه، ودول لا غنى عنهم
‎والأدوات دي زي:

  1. V60: قمع ترشيح بسيط وفعال.
  2. Chemex: أداة بتديك قهوة نظيفة جدًا.
  3. Kalita: وهي أداة تحضير للقهوة عن طريق قمع مصمم بثلاث فتحات صغيرة في نهايته.
  4. French press: ودي أسهلهم لإنك ممكن حتى تبدأ ببن مطحون ومش هتحتاج فلاتر، بس احنا دايماً بننصح بالطحن الفريش قبل التحضير.

طريقة عمل القهوة المختصة

في 4 خطوات بس هنقولك ازاي تعمل قهوة مختصة بأسهل طريقة!

v60 coffee
  1. طحن الحبوب طازة بدرجة مناسبة.
  2. استخدام مية نقية بدرجة حرارة بين 92-96 مئوية.
  3. اختيار أداة التحضير المفضلة زي V60 أو Chemex.
  4. صب المية بالتدريج للحصول على أفضل استخلاص.
    ولو عطلت عند أي نقطة ممكن تكلمنا وهنساعدك خطوة بخطوة لحد ما توصل لأفضل قوام.

وكدا مش فاضل غير انك تحستيها بمزاج!

فوائد القهوة المختصة: ليه تستاهل كل ده؟

فوايد القهوة المختصة نابعة من جودتها اللي ملهاش مثيل..

  1. نكهات غير عادية: ممكن تحس بطعم الشوكولاتة، الفواكه، أو حتى الكراميل.
  2. جودة مضمونة: مفيش أي مواد كيميائية ولا إضافات.
  3. صديقة للطبيعة: زراعتها مستدامة وبتدعم المزارعين.
  4. تجربة ممتعة: مشروب يبهجك بكل تفاصيله.
  5. وكمان تجربة شخصية لإنها بتخليك تتواصل مع رحلة القهوة من البداية للنهاية.

كيفية اختيار نوع القهوة المختصة المناسب لك؟

يعني بالبلدي كدا.. تنقيها ازاي؟

  1. حدد نوع النكهة اللي بتفضلها
  2. اختار نوع الطحنة اللي بتحبها
  3. طريقة التحضير المناسبة ليك
  4. اتأكد من مصدر القهوة
  5. متنساش تقرأ التقييمات والوصف للمنتج
ازاي تختار قهوتك المختصة

وطبعا ده كله متوفر في قهوة إكزوتكس المختصة.

الفرق بين القهوة المختصة والقهوة التجارية

عنصر المقارنة

القهوة المختصة

القهوة التجارية

الجودة

عالية جدًا

أقل جودة

السعر

مناسب مقارنة بالقيمة

رخيصة

النكهات

مذاق فاكهي حلو، ومتنوع

ترابية ومُرة

التصنيع

بعناية فائقة

آلي وسريع

ولو حابب تعرف فروقات أكتر، تقدر تطلع على مقالتنا عن الفرق بين القهوة المختصة والتجارية.

تلاقي فين قهوة مختصة؟

علشان إحنا عارفين رغبتك في الحصول على قهوة مختصة مميزة مختلفة غير تلقيدية، فـ إكزوتكس بتوفرلك القهوة المختصة تحت أكثر من فئة “طحنات مختلفة” علشان تختار اللي يناسبك في طريقة التحضير!

  1. قهوة فلتر مختصة  في حالة إنك مهتم بالنكهات والإيحاءات المميزة.
  2. قهوة اسبريسو مختصة في حالة إنك محتاج جرعة مركزة وكثيفة.

كل اللي عليك دلوقتي انك تختار النوع المفضل ليك من إكزوتكس وتستمتع بطعم القهوة اللي هيعلي دماغك ويظبط مزاجك!